आली आली सर ही ओली | Aali Aali Sar Hi Oli Marathi Lyrics
गीत – गंगाधर महांबरे
संगीत – श्रीनिवास खळे
स्वर – आशा भोसले
चित्रपट – सोबती
आली आली सर ही ओली खुलवित धुंद अशी बरसात
छुम् छुम् पैंजण पायी बांधून सजले मी दिनरात
आली आली सर ही ओली !
मला प्रीतिची झाली बाधा, गोकुळची झाले राधा
नंदनवन खुलले, फुलले माझिया हृदयात
आली आली सर ही ओली !
हसते मजला यमुनेचे जळ, कदंब हसतो गाली अवखळ
हरिची मुरली मधुर छेडिते धून नवी अधरात
आली आली सर ही ओली !
दृष्ट लागू नये सौख्याला, अनुपम या सौभाग्याला
मोद मनी मानसी दाटे मावेना गगनात
आली आली सर ही ओली !
