आली सखी आली प्रियामीलना | Aali Sakhi Aali Priyameelana Marathi Lyrics
गीत – डॉ. वसंत अवसरे
संगीत – वसंत पवार
स्वर – पं. वसंतराव देशपांडे
चित्रपट – अवघाचि संसार
आली सखी आली, प्रियामीलना !
काय पाहती व्याकुळ लोचन ?
कानोसा घे मध्येच थबकुन
आतुर अंतरी, कंपित अधरी
थरथरते कामना
आली सखी आली, प्रियामीलना !
काजळकुंकुम रेखुन ल्याली
साडी जांभळी, हिरवी चोळी
घेइ तनुवरी शेला भर्जरी
लपवी यौवनखुणा
आली सखी आली, प्रियामीलना !
बकुळफुलांनी गुंफिलि वेणी
कर्णभूषणे झुलती कानी
रुणझुणु गाती कंकण हाती
गुपित सांगती जना
आली सखी, आली प्रियामीलना !
