चांद किरणांनो जा जा | Chand Kirnanno Ja Ja Marathi Lyrics

चांद किरणांनो जा जा | Chand Kirnanno Ja Ja Marathi Lyrics

गीत – ग. दि. माडगूळकर
संगीत – राम कदम
स्वर – आशा भोसले
चित्रपट – वैभव

चांद किरणांनो जा जा जा रे माझ्या माहेरा
फुले प्रकाशाची माझ्या दारी अंथरा
हळू चढा खिडकीत पहा डोकावुनी आत
मूर्त माउलीची माझ्या न्याहळा जरा
जा जा जा रे माझ्या माहेरा !
पाडसाची चिंता माथी करी विरक्तीची पोथी
डोळ्यांतुनी आसवांचा पाझरे झरा
जा जा जा रे माझ्या माहेरा !
टांगलेली छायाचित्र देवासारखे पवित्र
स्वर्गवासी माझे बाबा रक्षिती घरा
जा जा जा रे माझ्या माहेरा !
पलीकडे खाटेवरी भर मध्यान्हीच्या पारी
दिव्यातळी भाऊराया वाची अक्षरा
जा जा जा रे माझ्या माहेरा !

Leave a Comment