दाटून कंठ येतो | Datun kanth yeto Marathi Lyrics

दाटून कंठ येतो | Datun kanth yeto Marathi Lyrics

गीत – शान्‍ता शेळके
संगीत – अनिल-अरुण
स्वर – पं. वसंतराव देशपांडे
चित्रपट – अष्टविनायक

दाटून कंठ येतो ओठांत येइ गाणे
जा आपुल्या घरी तू, जा लाडके सुखाने !
हातात बाळपोथी ओठांत बाळ भाषा
रमलो तुझ्यासवे मी गिरवीत श्रीगणेशा
वळवून अक्षरांना केले तुला शहाणे
जातो सुखावुनी मी त्या गोड आठवाने !
बोलांत बोबडीच्या संगीत जागवीले
लयताल सूर लेणे सहजीच लेववीले
एकेक सूर यावा नाहून अमृताने
अवघ्याच जीवनाचे व्हावे सुरेल गाणे !
घेऊ कसा निरोप ? तुटतात आत धागे
हा देह दूर जाता मन राहणार मागे !
धन आत्मजा दुजाचे ज्याचे तयास देणे
परक्यापरी अता मी येथे फिरून येणे

Leave a Comment