देते तुला हवे ते | Dete Tula Have Te Marathi Lyrics

देते तुला हवे ते | Dete Tula Have Te Marathi Lyrics

गीत – वसंत निनावे
संगीत – दत्ता डावजेकर
स्वर – अपर्णा मयेकर


देते तुला हवे ते, देते दहा दिशा रे
नेऊ नकोस माझी ही एवढी तृषा रे

हे मेघ घेउनी जा जे कोष अमृताचे
हा मोर राहु दे तू त्यांचा परि पिसा रे
जा चंद्र घेउनी हा मज वाट दावणारा
संपेल चांदणीचा अभिसार हा कसा रे ?

घे अंग कांचनाचे, घे रंग कुंतलांचे
हृदयांत या सलू दे दु:खाचिया कुसा रे
घे एवढे, सभोवती मी राहणार नाही
होईन अमर परि मी पिऊनी अशा विषा रे

Leave a Comment