गगनी अर्धा चंद्र उगवला | Gagani Ardha Chandra Ugavala Marathi Lyrics
गीत – ग. दि. माडगूळकर
संगीत – सुधीर फडके
स्वर – मधुबाला जव्हेरी
चित्रपट – देवघर
Gagani Ardha Chandra Ugavala Marathi Lyrics
गगनी अर्धा चंद्र उगवला, मोहरले चांदणे
अडली वाणी, मिटे पापणी, मिटले ग लोचने
राहिले अर्ध्यावर बोलणे !
प्रथम बोलले तेच काहीसे
मला न सुचले उत्तर कैसे
भलत्या वेळी कसे बाई ग आठवले लाजणे ?
धीर धरून मी पुसता काही
अस्फुट त्यांचे उत्तर येई
शब्दाहुनही अधिक बोलके झाले मग पाहणे !
एक हाक ये दुरुनी साधी
सिद्धीपुर्वी सुटे समाधी
पुन्हा न जमले कधी त्यापरी एकांती भेटणे !