ही निकामी आढ्यता कां | Hee nikami addhyata ka Marathi Lyrics

ही निकामी आढ्यता कां | hee nikami addhyata ka Marathi Lyrics

गीत – आरती प्रभु
संगीत – पं. हृदयनाथ मंगेशकर
स्वर – लता मंगेशकर
अल्बम – मैत्र जिवाचे


ही निकामी आढ्यता कां ? दाद द्या अन्‌ शुद्ध व्हा !
सूर आम्ही चोरितों कां ? चोरिता कां वाहवा ?

मैफिलीची साथ आम्हां दैवयोगें लाभली :
न्या तुम्ही गाणें घराला, फूल किंवा पाकळी.

दाद देणें हेंहि गाण्याहून आहे दुर्घट :
गुंफणें गजरे दंवाचे आणि वायुचे घट.

नम्र व्हा अन्‌ सूर जाणा- जीवघेणा रंग हा :
साजरा उधळून आयू हो करावा संग हा.

चांदणें पाण्यांतलें की वेचितां येईलही
आणि काळोखांत पारा ये धरूं चिमटींतही.

ना परंतू सूर कोणा लावितां ये दीपसा :
सूर नोहे- तीर कंठीं लागलेला शापसा.

Leave a Comment

x