जपून चाल्‌ पोरी जपून | Japoon Chal Pori Japoon Marathi Lyrics

जपून चाल्‌ पोरी जपून | Japoon Chal Pori Japoon Marathi Lyrics

गीत – मंगेश पाडगांवकर
संगीत – श्रीनिवास खळे
स्वर – अरुण दाते


जपून चाल्‌ पोरी जपून चाल्‌
बघणार्‍या माणसाच्या जिवाचे हाल्‌ !

लाडाने वळून बघायची खोड्‌
नाजुक नखर्‍याला नाही या तोड्‌
डोळ्यांत काजळ, गुलाबी गाल्‌ !

केसांत सुरंगी रंगात ग
विजेची लव्‌लव्‌ अंगात ग
खट्याळ पदराला आवर घाल्‌ !

जिंकीत जिंकीत जातेस तू
ज्वानीचं गाणं हे गातेस तू
हासून होतेस लाजून लाल्‌ !

उरात लागलेत नाचाया मोर
कोणाच्या गळ्याला लागेल दोर्‌ ?
माझ्या या काळजाचा चुकेल ताल्‌ !

Leave a Comment

x