कधीतरी तुम्ही यावे इथे | Kadhitari Tumhi Yave Ithe Marathi Lyrics

कधीतरी तुम्ही यावे इथे | Kadhitari Tumhi Yave Ithe Marathi Lyrics

गीत – ग. दि. माडगूळकर
संगीत – सुधीर फडके
स्वर – आशा भोसले
चित्रपट – गरिबाघरची लेक


कधीतरी तुम्ही यावे इथे या घरात
कैक दिवस होता हेतू असा अंतरात
शपथ तुमची, शपथ तुमची !

आज भाग्य आले हाती, तरी उरी वाटे भीती
मनातले हितगूज सारे राहिले मनात
शपथ तुमची, शपथ तुमची !

जीव बावरे हा भोळा, नीर दाटू पाहे डोळा
बोल बोल ओठावरचा विरघळे मुखात
शपथ तुमची, शपथ तुमची !

मनी गुंफिलेल्या ओळी, ओघळल्या ऐत्यावेळी
सूर मात्र केवळ उरले गीत गायनात
शपथ तुमची, शपथ तुमची !

शपथ तुम्हा तुमची देवा, मूक भाव जाणून घ्यावा
पुन्हा नका लोटू मजसी स्वप्‍न चिंतनात
शपथ तुमची, शपथ तुमची !

Leave a Comment