मनासारखे झाले माझ्या | Manasarkhe Zale Majhya Marathi Lyrics

मनासारखे झाले माझ्या | Manasarkhe Zale Majhya Marathi Lyrics

गीत – जगदीश खेबूडकर
संगीत – दत्ता डावजेकर
स्वर – लता मंगेशकर
चित्रपट – घरची राणी


जादुगिरी ही कोणी केली, कळुनी नाही आले
मनासारखे झाले माझ्या मनासारखे झाले !

मज कळले नाही काही मी कधी पाहिले त्यांना
मज कळले नाही बाई मी काय बोलले त्यांना
हसले माझे ओठ म्हणू की हसले माझे डोळे ?

ते सद्गूण की ते रूप मज काय नेमके रुचले
ते निसर्गजीवन दिसता मज काय नेमके सुचले
माया-ममता माझ्याभवती विणती कैसे जाळे ?

हे वेड अनामिक आहे की अधीरता ही मनची
उघड्याच लोचनी दिसती स्वप्‍ने ही जागेपणची
मला न कळता माझ्या हाती साज असा हा ल्याले !

Leave a Comment