मी गुणगुणते अबोध काही | Me Gungunate Abodh Kahi Marathi Lyrics

मी गुणगुणते अबोध काही | Me Gungunate Abodh Kahi Marathi Lyrics

गीत – ग. दि. माडगूळकर
संगीत – सुधीर फडके
स्वर – माणिक वर्मा
चित्रपट – आंधळा मागतो एक डोळा


मी गुणगुणते अबोध काही बोल
डोलतो उरी हिंडोल !

कळीकळी उमलुनी आली
तारका उतरल्या खाली
हिरवाळ दंवाने न्हाली
करि घमघमता पारिजातही डोल
डोलतो उरी हिंडोल !

ओठांचा उघडे पडदा
ये अस्फुट दिड्‌दादिड्‌दा
विस्तार स्वरांचा उमदा
या गीताचा अर्थ मनाहुन खोल
डोलतो उरी हिंडोल !

हे मनोगताचे गीत
शब्दांच्या पार अतीत
जाणते एक या प्रीत
ती प्रीति दे यास लाजरा ताल
डोलतो उरी हिंडोल !

Leave a Comment