सौंदर्याची खाण पाहिली | Soundaryachi Khaan Pahili Marathi Lyrics

सौंदर्याची खाण पाहिली | Soundaryachi Khaan Pahili Marathi Lyrics

गीत – ग. दि. माडगूळकर
संगीत – दत्ता डावजेकर
स्वर – महेंद्र कपूर
चित्रपट – करावं तसं भरावं


सौंदर्याची खाण पाहिली, पाहिली आम्ही पहिल्यांदा
नयनांमधला बाण लागला, लागला अम्हां पहिल्यांदा

वाटते परंतु सांगाया ना जुळे
डोळ्यांत आमुच्या भाव नवे आगळे
बोलल्या वाचुनी गूज तुम्हाला कळे
शब्द मधाचे ठिबकू द्यात ना, ठिबकू द्या कानी पहिल्यांदा

हा रंग गोड का गालावरची खळी
पाहता आमुच्या पावन झाल्या कुळी
उपजली उगीचच मनात आशा खुळी
घायाळाची गती समजली, समजली अम्हां पहिल्यांदा

या आधी अम्हां माहीत नव्हती प्रीती
परि आज सुखाचा स्वर्ग लागला हाती
कधी दोन मनांची जुळून येतील नाती
नकळत चेटुक होय अम्हांवर, अम्हांवर असले पहिल्यांदा

Leave a Comment