स्‍त्रीजन्मा ही तुझी कहाणी | Strijanma Hi Tujhi Kahani | Marathi Lyrics

गीत – ग. दि. माडगूळकर
संगीत – वसंत पवार
स्वर – सुधीर फडके
चित्रपट – बाळा जो जो रे


स्‍त्रीजन्मा ही तुझी कहाणी
हृदयी अमृत नयनीं पाणी

तुझिया पोटी अवतरती नर
अन्यायच ते करिती तुझ्यावर
दासी म्हणुनि नमविति चरणी !

कुशीत तुझिया पुरुष धुरंधर
अबला परि तू ठरिसि जगावर
दशा तुझी ही केविलवाणी !

सुंदरता तुज दिधली देवे
तुझी तुला ती परि न पेलवे
क्षणांत ठरली तूच पापिणी !

Leave a Comment