ताईबाई अता होणार लगीन | Taibai aata Honaar Lagin Marathi Lyrics
गीत – ग. दि. माडगूळकर
संगीत – दत्ता डावजेकर
स्वर – अपर्णा मयेकर
चित्रपट – जुनं ते सोनं
ताईबाई, ताईबाई ग,
आता होणार लगीन तुमचं !
नखरा बिखरा सारा विसरा
धम्मक लाडू चारील नवरा
नवरा म्हणजे बागुलबुवा
घेऊन जाईल त्याच्या गावा
तिथे सिनेमा नाटक कुठचं ?
धुणी धुवा मग झाडून काढा
रांधा, वाढा, उष्टी काढा
निवडा तांदूळ, लाटा पोळ्या,
शिवा टिपा मग सदरे, चोळ्या
करा शेवया, भरा ग लोणचं !
सासूबाई करतील वटवट
दीर, नणंदा देतील चापट
मामंजींना दमा खोकला
जा पिकदाणी त्यांची उचला
सुख सरलं हो बापाघरचं !