येणार तू येणार तू | Yenar Tu Yenar Tu Marathi Lyrics

येणार तू येणार तू | Yenar Tu Yenar Tu Marathi Lyrics

गीत – रवींद्र भट
संगीत – सुधीर फडके
स्वर – सुमन कल्याणपूर
चित्रपट – ते माझे घर


तुझिया स्वागता उभी समोरी, पाहुनी हसणार तू –
येणार तू, येणार तू !

अंगणात या फुले मोगरा
तुज आवडतो ज्याचा गजरा
आठवता मी लाज लाजते, उगा तयातून येणार तू –
येणार तू, येणार तू !

साडी ल्याले आज अबोली
तुझी आठवण जागी झाली
वसंत फुलला शिशिराकाळी, मुकेपणी वदणार तू –
येणार तू, येणार तू !

दर्पणात या तुला पाहते
तुझीच प्रतिमा हृदयी ठसते
तुझ्या संगती गाली हसते, मला कधी मिळणार तू ?
येणार तू, येणार तू !

Leave a Comment