झुळझुळे नदी ही बाई | Zulzule Nadi Hi Baai Marathi Lyrics

झुळझुळे नदी ही बाई | Zulzule Nadi Hi Baai Marathi Lyrics

 

गीत – कवि संजीव
संगीत – दत्ता डावजेकर
स्वर – उषा मंगेशकर ,  मीना खडीकर
चित्रपट – थोरातांची कमळा


झुळझुळे नदी ही बाई
देहलतेला शीतल करुनी आनंदाने गाई

पानफुलांनी तरुवर फुलती
पाण्यावरती तरंग झुलती
सुरेल मुरली नादें घुमते ती अंब्याची राई

सुखात का ग खुपते काही ?
श्याम सावळा भेटत नाही
राधेला का छळिती गोपी, कळत कसे ग नाही

या पाण्यावर हृदय उमलते
हृदयातुनि का गुपित उकलते
नको गुपित ते उकलाया ग, अबोलीच मी राही

Leave a Comment

x