आली माझ्या घरी ही दिवाळी | Ali mazya ghari hi diwali Marathi Lyrics

आली माझ्या घरी ही दिवाळी | Ali mazya ghari hi diwali Marathi Lyrics

गीत – मधुसूदन कालेलकर
संगीत – अनिल-अरुण
स्वर – अनुराधा पौडवाल
चित्रपट – अष्टविनायक


आली माझ्या घरी ही दिवाळी
सप्‍तरंगात न्हाऊन आली

मंद चांदणे धुंद श्वास हा, मी तर त्यात भिजावे
जन्मजन्म रे तुझ्या संगती एकरूप मी व्हावे
प्रीत नयनी वसे, लाज गाली हसे
कोर चंद्राची खुलते भाळी

पाऊल पडता घरी मुकुंदा, गोकुळ हरपून गेले
उटी लाविता अंगी देवा, सुगंध बरसत आले
हर्ष दाटे उरी, नाथ आले घरी
सूर उधळीत आली भूपाळी

नक्षत्रांचा साज लेऊनी रात्र अंगणी आली
दीप उजळले नयनी माझ्या ही तर दीपावली
संगे होता हरी, जाहले बावरी
मी अभिसारीका ही निराळी

Leave a Comment