धक्का लागला ग | Dhakka Lagala Ga Marathi Lyrics

धक्का लागला ग | Dhakka Lagala Ga Marathi Lyrics

गीत – ग. दि. माडगूळकर
संगीत – सुधीर फडके
स्वर – आशा भोसले
चित्रपट – जगाच्या पाठीवर


Dhakka Lagala Ga Marathi Lyrics

धक्का लागला ग मघाशी कुणाचा
तोल सावरेना बाई, अजुनी मनाचा !

उगा हासला तो, उगा लाजले मी
करीं वीज त्याच्या, उरी भाजले मी
ठसा राहिला ग मुक्या भाषणाचा !

पुढे चालले मी, फिरे पाय मागे
कशाची कळेना अशी ओढ लागे
सुटे त्यात वारा खुळ्या श्रावणाचा !

झरू लागल्या ग ढगांतून धारा
मनींच्या विजेचा मनीं कोंडमारा
ठिकाणा तरी ग कुठे साजणाचा ?

भिजे पावसाने जरी अंग सारे
उफाळून येती उरीचे निखारे
शिरे नाद अंगी जणू पैंजणाचा !

Leave a Comment

x