डोळ्यापुढे दिसे गे मज | Dolyapudhe Dise Ga Maz Marathi Lyrics

डोळ्यापुढे दिसे गे मज | Dolyapudhe Dise Ga Maz Marathi Lyrics

गीत – ग. दि. माडगूळकर
संगीत – सुधीर फडके
स्वर – आशा भोसले ,  सुधीर फडके
चित्रपट – भिंतीला कान असतात


डोळ्यापुढे दिसे गे मज चित्र ते सजीव
माझ्या घरातली तू गृहिणी, सखी, सचिव

ही एक आस होती हृदयात एकमेव
डोळ्यापुढे दिसे रे मज चित्र ते सजीव

कोलाहली जगाच्या घरकूल आपुले गे
सोलीव शांततेचे मंदिर सानुले गे
मी तेथली पुजारी, तू पूजनीय देव

गीतासवे तुझ्या गे गेही प्रभात व्हावी
खाद्या रुचि सुधेची हाते तुझ्याच यावी
वाहीन देह देवा, वाहीन जीवभाव

दिन सोनियात न्हावा, रजतात रातराणी
आनंद तोच यावा लेवून बाललेणी
साकार ये समोरी स्वप्‍नात हीच शीव

Leave a Comment