खराच कधी तू येशिल | Kharaach Kadhi Tu Yeshil Marathi Lyrics

खराच कधी तू येशिल | Kharaach Kadhi Tu Yeshil Marathi Lyrics

गीत – ग. दि. माडगूळकर
संगीत – सुधीर फडके
स्वर – आशा भोसले
चित्रपट – बायको माहेरी जाते


अर्ध्या रात्री झोप मोडिशी
खराच कधी तू येशिल का ?
ओळख करुनी घेशिल का ?

खिडकीपाशी उभा राहुनी
हसशील का हळू मला पाहुनी
सर्वांगाने पीत चांदणे,
प्रीत गीत तू गाशिल का ?

मंतरलेल्या तुझ्या स्वरांनी
मी मग होऊन वेड्यावाणी
भारावुन मी येता पुढती,
हातच हाती घेशिल का ?

हसेल नभीचा चंद्र दहादा
दटावणी हा दाविल पडदा
विचारीन मी काहीबाही,
होकार हसरा देशील का ?

Leave a Comment