लंगडा ग बाई लंगडा | Langda Ga Bai Langda Marathi Lyrics

लंगडा ग बाई लंगडा | Langda Ga Bai Langda Marathi Lyrics

गीत – ग. दि. माडगूळकर
संगीत – सुधीर फडके
स्वर – ललिता फडके
चित्रपट – सौभाग्य


लंगडा ग बाई, लंगडा
नंदाचा कान्हा लंगडा !

रंगाने काळा, वाणीने बोबडा
त्या काळ्याचा लळा राधिके, काय तुला एवढा ?
नंदाचा कान्हा लंगडा !

बाळकृष्ण हा दिसे लंगडा परि मला ज्ञात
तिन्ही जगाला घाली वळसा तीन पावलांत
वेद जगाची वचने गाली- तो कैसा बोबडा ?
नंदाचा कान्हा लंगडा !

काळा म्हणता घननीळाला का हो गोपीजन ?
सूर्यचंद्रही वेचित फिरती त्याचे तेज:कण !
चैतन्याची अतर्क्य माया काय कळावी जडां ?
नंदाचा कान्हा लंगडा !

Leave a Comment

x