पाण्यात पाहती का माझे | Paanyat Pahati Ka Maze Marathi Lyrics

पाण्यात पाहती का माझे | Paanyat Pahati Ka Maze Marathi Lyrics

गीत – ग. दि. माडगूळकर
संगीत – दत्ता डावजेकर
स्वर – आशा भोसले
चित्रपट – जुनं ते सोनं


पाण्यात पाहती का माझे मलाच डोळे
प्रतिबिंब हे कुणाचे ? लावण्य हे निराळे

हे केस रेशमाचे, ही ऐट पाहण्याची
ही शुद्ध जीवघेणी हालचाल पापण्यांची
ओठी जरी अबोली, अंगात वीज खेळे

भिवई चढे कशाने, रागेजशी अशी का ?
तू कोण मोहिनी की आहेस चंद्रलेखा ?
का मानवी दिठीने कांती तुझी विटाळे

असतीस फूल जरि तू, तुज मी खुडून घेते
वेणीत माळते गे आनंदगीत गाते
आहेस स्‍त्री परंतु हेवा मनी उफाळे

Leave a Comment