परीकथेतिल राजकुमारा |Parikathetil Rajkumara| Marathi Lyrics

0
112
गीत -वंदना विटणकर
संगीत- अनिल मोहिले
स्वर – कृष्णा कल्ले

परीकथेतिल राजकुमारा
स्वप्‍नी माझ्या येशिल का ?
भाव दाटले मनी अनामिक,
साद तयांना देशिल का ?
या डोळ्यांचे गूढ इशारे
शब्दांवाचुन जाणुन सारे
‘राणी अपुली’ मला म्हणोनी,
तुझियासंगे नेशिल का ?
मूर्त मनोरम मनी रेखिली
दिवसा रात्री नित्य देखिली
त्या रूपाची साक्ष जिवाला,
प्रत्यक्षातुन देशिल का ?
लाजुन डोळे लवविन खाली
नवख्या गाली येइल लाली
फुलापरी ही तनू कांपरी,
हृदयापाशी घेशील का ?
लाजबावरी मिटुन पापणी
साठवीन ते चित्र लोचनी
नवरंगी त्या चित्रामधले,
स्वप्‍नच माझे होशील का ?

LEAVE A REPLY

Please enter your comment!
Please enter your name here