सजणाच्या मर्जीखातर | Sajanachya Marjikhatar Marathi Lyrics

सजणाच्या मर्जीखातर | Sajanachya Marjikhatar Marathi Lyrics

गीत – ग. दि. माडगूळकर
संगीत – राम कदम
स्वर – उषा चव्हाण
चित्रपट – मुक्काम पोस्ट ढेबेवाडी


Sajanachya Marjikhatar Marathi Lyrics

सजणाच्या मर्जीखातर, जरासा वर, धरिला अंबाडा
उघडीच ठेवली मान, केतकी पान, सोनकेवडा !

घातला वेश पंजाबी, तंग सलवार
रेशमी खमीज अंगात सैल दळदार
झिरझिरित दुपट्टा वरी, टिकेना उरी, पडे तोकडा

पावडरचा मुखावर थर एक पातळ
किरमिजी रंगले ओठ, नयनी काजळ
मुळचेच गाल मखमली, चाखतो लाली, तीळ चोंबडा !

ऐन्यात पहाता मुखा, सुखाची लहर
डोलते रान मोहरीचे, फुलांना बहर
असल्यास येई राजसा, चेतल्या नसा, नाचु भांगडा !

Leave a Comment