टाळ बोले चिपळीला | Taal Bole Chipalila | Marathi Lyrics

गीत – जगदीश खेबूडकर
संगीत – राम कदम
स्वर – पं. भीमसेन जोशी ,  पं. वसंतराव देशपांडे
चित्रपट – भोळी भाबडी

---

टाळ बोले चिपळीला नाच माझ्यासंग
देवाजीच्या दारी आज रंगला अभंग

दरबारी आले रंक आणि राव
सारे एकरूप नाही भेदभाव
गाउ नाचु सारे हो‍उनी निःसंग

जनसेवेपायी काया झिजवावी
घाव सोसुनिया मने रिझवावी
ताल देउनी हा बोलतो मृदंग

ब्रह्मानंदी देह बुडुनीया जाई
एकएक खांब वारकरी होई
कैलासाचा नाथ झाला पांडुरंग