उतरली सांज ही धरेवरी | Utarli Sanj Hi Dharevari Marathi Lyrics
गीत – सूर्यकांत खांडेकर
संगीत – श्रीनिवास खळे
स्वर – सुमन कल्याणपूर
उतरली सांज ही धरेवरी
मी उभी घेउनी कलश करी
सांज मनी दरवळे मनोहर
गात तरंगत जल लहरींवर
करीत व्याकुल माझे अंतर
मज साद घालतो परोपरी
उरे शांतता या पथि निर्जन
प्रेमनदीला भरती येउन
उठती लहरी चंचल उसळून
ही वळति पाउले तटावरी
येईन का मी नाही परतुन ?
तिथेच कोणा राहिन बिलगुन ?
वीणा वाजवि कुणितरि मोहन
तो नाद अनोखा घुमे उरी