झाली ग बरसात फुलांची | Zali Ga Barsat Phulanchi | Marathi Lyrics

गीत – ग. दि. माडगूळकर
संगीत – वसंत पवार
स्वर – आशा भोसले
चित्रपट – वरदक्षिणा


झाली ग बरसात, फुलांची झाली ग बरसात
वसंतवेड्या लहरी भरल्या उसळत सर्वांगात

मुक्या मनाला फुटली वाणी
मनोगतांची झाली गाणी
पालवल्या ग आशावेली, न्हाल्या नवरंगांत

धुंद सुखाचा सुटला दरवळ
अंगच अवघे झाले परिमळ
दंवासारखे आनंदासू कुसुमांसम नयनांत

तळहातीच्या भाकित रेखा
जित्या जुईच्या झाल्या शाखा
दिसेल तेथे प्रफुल्ल झाले, फुलल्या उल्हासात

Leave a Comment